இலங்கையில் முள்ளிவாய்கால் நினைவுச்சின்னம் அழிக்கப்பட்டதை கண்டித்து கனடாவில் பேரணி

இலங்கையில் முள்ளிவாய்கால் நினைவுச்சின்னம் அழிக்கப்பட்டதை கண்டித்து கனடாவில் பேரணி

இலங்கையில் உள்ள யாழ்ப்பாண பல்கலைக்கழக வளாகத்தில் அமைந்துள்ள முள்ளிவாய்கால் நினைவுச்சின்னம்.

டொராண்டோ பெரும்பாப் பகுதியில் உள்ள தமிழ் கனடியர்கள் இலங்கையில் முள்ளிவாய்கால் நினைவுச்சின்னம் அழிக்கப்பட்டதைக் கண்டித்து ஞாயிற்றுக்கிழமை வாகனப் பேரணி ஒன்றை மேற்கொண்டனா்.

இந்த முள்ளிவாய்கால் நினைவுச்சின்னமானது தமிழீழ விடுதலைப் புலிகள் மற்றும் இலங்கை அரசாங்கப் படைகளுக்கு இடையிலான உள்நாட்டுப் போரின் இறுதிக் கட்டத்தில் கொல்லப்பட்ட ஆயிரக்கணக்கான பொதுமக்களை நினைவுகூர அமைக்கப்பட்ட தூபியாகும்.

தொடக்கத்தில் 1983 ஆம் ஆண்டில் யாழ்ப்பாண நூலகம் எரிக்கப்பட்டதிலிருந்து 2009 உள்நாட்டுப் போரில் பல குழந்தைகள் கொல்லப்பட்டது வரையிலான பல தசாப்த கால மோதல்களின் நிகழ்வுகளை இது சித்தரிக்கிறது.

2019 ஆம் ஆண்டில் யாழ்ப்பாண பல்கலைக்கழகத்தில் திறந்து வைக்கப்பட்ட இந்த இந்த நினைவுச்சின்னம், கடந்த வெள்ளிக்கிழமை இரவு இலங்கை அதிகாரிகளால் கனரக வாகனத்தை கொண்டு உடைக்கப்பட்டதாக கூறப்படுகிறது.

பேரணி பிராம்ப்டன் நகர மண்டபத்தில் தொடங்கி டொராண்டோ நகர மண்டபம் மற்றும் குயின்ஸ் பூங்கா வரை சென்றது.

பிராம்ப்டன் மேயர் பேட்ரிக் பிரவுன் இந்த செயலை “கட்டமைப்பட்ட இனப்படுகொலை” என்று கண்டித்தார்.

பிராம்ப்டன் கவுன்சிலர் குர்பிரீத் சிங் தில்லனும் இதற்கு தனது ஆதரவை வெளிப்படுத்தினார்.